Lumi Devoll

Lumi Devoll është një nga lumenjtë më të rëndësishëm në Shqipërinë juglindore. Me një gjatësi prej 196 kilometrash, ai buron në këmbë të malit të Gramozit dhe rrjedh në drejtim verior drejt qytetit të Bilishtit. Pastaj, ai ndjek një rrjedhë perëndimore nëpër grykën midis Malit të Thatë në veri dhe Moravës në jug, derisa bashkohet me lumin Osum për të formuar lumin Seman.
Sipërfaqja e ujëmbledhësit të Lumit Devoll është rreth 3.139 km², ndërsa lartësia mesatare mbi nivelin e detit është rreth 960 metra. Prurja mesatare e Devollit është 49,5 m³/s dhe kryesisht ushqehet nga ujërat sipërfaqësore. Mineralizimi i ujit të tij është rreth 390 mg/l.
Grykën që lidh fushën e Devollit me atë të Korçës, të njohur si Gryka e Cangonjit, helenët e vjetër e quajtën (Propilion), që nënkupton "roje e portës". Emri i vjetër ka ngelur në emrin e fshatit të sotëm Pilur, i cili gjendet në krahun e majtë të rrugës nacionale Bilisht-Korçë.
Lumi Devoll, përveçse përmban një sasi të konsiderueshme uji dhe ka rëndësi për zhvillimin ekonomik të zonës, gjithashtu ofron peizazhe të bukura natyrore dhe është burim i jetës për komunitetet vendase.